Panibagong Araw

     Isang panibagong umaga ulit ang dumating sa buhay ko, nanatiling tahimik at walang kibo sa mundo. Gumising sa maingay at masayang pamilya na sana'y minsan mong pinangarap naganuon nalamang sana araw-araw. Dahil kung minsang magising ka ay bangayan nila ang tagagising mo sa umaga. Ano nga ba ang dahilan mo sa pagising sa umaga? Responsibilidad? Pamilya? Sa isang minamahal o para sa iyong nanatiling nakabaong pangarap?, na hanggang ngayon ay hindi mo alam kung kailan mo maitatayo sa lupa.
    Sa isang panibagong araw na darating handa ka bang harapin ang mga balakid sa buhay? Mga pahirap at pagsubok na tatahakin muli ng tumatanda mo nang katawan? O tulad ng dati na hihilata na lamang at maghihintay ng biyaya mula itaas? Hanggang kailan ka maghihintay sa mga bagay na iyong inaasam? Hanggang kailan tatagal ang sikmura mo minsan lang malamnan? Hanggang kailan ka aasa sa panagako ng bukas? Hanggang....... mamatay?
    Sa pagbukas ng iyong mata, ano ang plano mong iniisip? Kung meron man paano mo ito gagawin? Kailan man lamang ba'y naisip mo ang mga tanong na ito? O tila "BAHALA NA'' ang laging binabangit mo? Aba! magisip ka baka sa susunod wala ng panibagong araw na darating sayo.